Skip to main content

Tetova News

Vargje dashurie

Muzafer Xhaxhiu

Dhe qeshëm… qeshëm…

Shkëlqente deti i kaltër si pasqyrë,
E flladi lehtë frynte nëpër valë,
Dhe un’ e ti të ndezur në fytyrë
Mbi rër’n e lagur ecnim dalngadalë…

Po në fytyrë prapë e ndjenim zjarrë
E sy më sy u pamë të hutuar!
Dhe qeshëm…qeshëm, qeshëm si të marrë,
Se rër’e lagur digjte përvëluar


Ti je… s’e di

As yll nuk je, as hënë as hyri
As rreze dielli terrin për të ndritur,
S’ke rënë nga qielli të tregosh ccudi
As dorë mjeshtri nuk të ka skalitur…

Shum’net’i kam kaluar unë pa gjumë,
Dhe ditët si në gjumë i kam kaluar
Dhe sa më shum’ mendoj cc’je, aq më shumë
E ndjej se je vecc zjarr që s’ka të shuar


Dhe nën dëborë

E dashur N. nuk po të shkruaj letër
Ashtu si nuk të shkrova në rini
Mesazhet t’i dërgoja vecc me sy,
Në ato kohë cc’mund të bëja tjetër!

Pa cc’ka se jemi ca si të vonuar
Dhe na ka zbardhur dbora që të dy
Mesazhet prapë t’i nis si në rini
Se dhe nën dborë rrjedh uj’ i valuar


Në ditën e Shën Valentinit

Dhe sot u zumë ne të dy
Një hitori e vjetër
Më mirë i zënë vecc me ty
Sesa të dua një tjetër


Në stacion

Ti nuk e di sa shumë të kam pritur
Stacioni i trenit ngjante kaq i murmë…
Vinin e iknin njerëzit-gaz e zhurmë-
Vecc unë pritja…pritja, i nemitur

Gjithmonë në pritje jeta më ka shkuar
Sa herë fjetur kam nëpër stacione
Rojtari më ka zgjuar: “Nëpër frona
Të flini, qytetar, është e ndaluar!”

***
Zura be të heq dorë nga ccdo marrëzi,
Nga një vetëm s’do mund:
Të mos bëj dashuri.


Mos u çuditni

Dhe kur të vdes më shpini nga ajo urë
Ku njoha Dashurinë të parën herë
Mos u ccuditni, hapni pak qivurë
Të kthehem tek një plakë që prêt në derë….


I fundit liman
Melitës


Me gaz e dhimbje tjerur nëpër jetë
Je ëndrra më e bukur që kam parë
Liman i fundit je, ku zëmr’e vrarë
Me gaz e hodhi hekurin përpjetë…

Në dete shumë ania ime brodhi,
Me valët lozonjare u përkund…
Por n’asnjë vend s’qëndroi, gjersa në fund
Limanin më të kaltër ajo zgjodhi….


Premtim

Më the se do më duash gjithmonë
Edhe kur trupi i bukur në martesë
Në shtrat të huaj dergjur natën vonë
Do përpëlitet hidhur pa një shpresë…

Kështu qe thën’ të rrojmë të veccuar
Me helm në zëmër, kur kaq for të dua,
Oho, e dashur, prap’ jam i gëzuar,
Se zëmërzën plot vrerë ma dhe mua….


Mikes se vdekur

Cc’të të jap o mikja ime
Si kujtim nga e murmja botë!
Të jap zëmrën me kujtime
Merr dhe një gjerdan me lotë…..

Flurudha

Popular posts from this blog

Drejtshkrimi i 1973-shit kërkon redaktim të thellë

Profesor Mehmet Çeliku sjell një studim mbi politikat gjuhësore dhe debatet e sotme mbi rishikimin e standardit të shqipes “Drejtshkrimi i gjuhës shqipe”, 1973 ka nevojë për një redaktim të thellë. Materiali ilustrues duhet zëvendësuar në një masë të konsiderueshme, duke u përditësuar me një material të ri nga stile të ndryshme, duhen hequr shumë shembuj e fjalë periferike që nuk janë të ditës a karakteristike për standardin e si rrjedhim, pa asnjë interes, duhen hequr e zëvendësuar shembujt dhe emërtimet e shumta të politizuara dhe të vjetruara të institucioneve si: kooperativa bujqësore, PPSH, Byroja Politike, Komiteti Qendror, sekretari i parë i Komitetit Qendror të Partisë së Punës së Shqipërisë, sekretari i Komitetit Qendror të Partisë së Punës së Shqipërisë, hidrocentrali “Lenin” ose parulla komuniste “të jetojmë, të punojmë si revolucionarë”, terma gjuhësorë të kapërcyer si nyja e prapme, përemër i pakufishëm, numëror rreshtor etj., në vend të mbaresave shquese …”. Këto janë dis…

Petro Marko dhe Heminguej, nga dy botë të kundërta

Virion Graçi
Tekstet romanore të Petro Markos, i janë nënshtruar diktatit të ashpër redaksional, për pasojë janë tjetërsuar. Kanë ndërhyrë në titujt, duke i rekomanduar lexuesit konotacione të tjera ideo-emocionale, ndryshe nga konceptimi autorial; kanë dërguar në brumatricet e letrës libra të porsabotuar; kanë ndërhyrë në brendinë e veprës duke tjetërsuar personazhe protagonistë duke shfytyruar natyrën e marrdhënieve midis tyre

Për shkak të skualifikimit politiko-policor të Petro Markos në periudhën e totalitaritzmit të shpallur, qëndrimi i kritikës zyrtare dhe institucioneve shtetërore të kulturës ndaj krijimtarisë së tij, në rastet më afirmative ka qenë i cunguar, minimalist; rëndom mbi autorin kanë mbizotëruar ato që Prof. A. Plasari, saktësisht i ka quajtur së fundmi burgjet e padeklaruar të P. Markos… P. Marko, pas traditës tepër modeste e modeleve rrëfimtare anakroniko-anemike të romanit shqip deri atëherë, vitalizoi rrëfimin epik, dëshmoi siguri artistike e mjeshtëri të lartë; ka…

FILOZOFIA E BUKURISË - Isuf Luzaj

Fragmente nga libri Filozofia e bukurisë
Bukuria është ajo e vërtetë që u pëlqen të gjithëve, pa pasur ata konceptin e së vërtetës logjike. Nga të gjitha magjitë, kjo është më e sinqertë: Gjykimi i shijes është i pavarur nga koncepti përkufizues i perfeksionit, sepse, kur një objekt deklarohet i pëlqyer, i bukur, me të gjitha endjet e ëndërrimit, kurrë s’është i qartë, i pastër, as i sigurt, pa asnjë përse! Shija fiton shumë kur bashkohet me estetikë, me intelekt aq më mirë, saqë pranohet nga të gjithë pa dhënë shpjegim, pa dhënë arsye, sepse s’ka rregulla, s’ka ligje që të përcaktojnë se çfarë është e bukura. Një këngë? Një pikturë? Një lule? Një flutur? Ç’është bukuria? Dhe përse është ashtu? Për ngjitje shpirtërore në sfera ekstaze, për lutje para altarit, përgjunjjeje namazi, që i flasin misterit gjithë popujt një gjuhë? Bukuria dhe sublimja vijnë në ujdi, janë mrekulli që vënë paqe midis perëndive.
Bukuria që frymëzon poetin ngjan të jetë përfaqësuese absolute e një koncepti të pakuf…