Skip to main content

Tetova News

Organizohet konferenca kombëtare e bibliotekonomisë


Biblioteka Kombëtare dhe Universitare e Kosovës sivjet, në bashkëpunim me Bibliotekën Kombëtare të Shqipërisë, nga data 11-12 dhjetor, me fillim në orën 10.00, nisin në Prishtinë Edicionin e VIII të Konferencës Kombëtare të Bibliotekonomisë me temën “Bibliotekat Kombëtare - Kujtesa Kombëtare - Koleksionet Kombëtare”.
Gjithashtu, në këtë ditë, në orën 11.00, me rastin e 100-vjetorit të ditëlindjes së shkrimtarit Petro Marko, do të hapet edhe ekspozita “100 vjet Petro Marko” (organizuar nga Biblioteka Kombëtare e Shqipërisë).
Gjatë këtyre dy ditëve të Konferencës, pritet të paraqiten me kumtesa njohës dhe ekspertë të fushave të caktuara të kulturës së informacionit dhe të bibliotekave e të bibliotekarisë nga Shqipëria dhe Kosova, si: Etleva Domi (Trashëgimia e shkruar kombëtare në perspektivën “Biblioteka pa mure”), Jehona Shala (Kujtesa e Kosovës - dija dhe urtësia), Alda Pani (Koleksionet Albanologjike “Porta të reja” dijeje), Mr. Tahir Foniqi (Historia e librit në Kosovë), Berat Dakaj (Domethënia e koleksioneve dhe e kujtesës kombëtare), Aida Braho (Qasja e lirë / e arsyeshme në burimet e kujtesës kombëtare - një sistem i ri komunikimi shkencor dhe kërkimor në dije), Adil Olluri (Revistat e vjetra në BKUK), Erena Hasko (Koleksionet historike audio vizuale në shërbim të kujtesës kombëtare), Flamur Maloku (Materialet bibliotekare, shenjat kulturore dhe historike).
Pasi në edicionin e sivjetmë tema bosht e konferencës është “Bibliotekat Kombëtare - Kujtesa Kombëtare - Koleksionet Kombëtare”, referuesit do t’i shprehin preokupimet e tyre dhe përvojat për ruajtjen e koleksioneve kombëtare, të cilat janë pjesë e trashëgimisë kulturore dhe e kujtesës kombëtare.

Flurudha

Popular posts from this blog

Drejtshkrimi i 1973-shit kërkon redaktim të thellë

Profesor Mehmet Çeliku sjell një studim mbi politikat gjuhësore dhe debatet e sotme mbi rishikimin e standardit të shqipes “Drejtshkrimi i gjuhës shqipe”, 1973 ka nevojë për një redaktim të thellë. Materiali ilustrues duhet zëvendësuar në një masë të konsiderueshme, duke u përditësuar me një material të ri nga stile të ndryshme, duhen hequr shumë shembuj e fjalë periferike që nuk janë të ditës a karakteristike për standardin e si rrjedhim, pa asnjë interes, duhen hequr e zëvendësuar shembujt dhe emërtimet e shumta të politizuara dhe të vjetruara të institucioneve si: kooperativa bujqësore, PPSH, Byroja Politike, Komiteti Qendror, sekretari i parë i Komitetit Qendror të Partisë së Punës së Shqipërisë, sekretari i Komitetit Qendror të Partisë së Punës së Shqipërisë, hidrocentrali “Lenin” ose parulla komuniste “të jetojmë, të punojmë si revolucionarë”, terma gjuhësorë të kapërcyer si nyja e prapme, përemër i pakufishëm, numëror rreshtor etj., në vend të mbaresave shquese …”. Këto janë dis…

Petro Marko dhe Heminguej, nga dy botë të kundërta

Virion Graçi
Tekstet romanore të Petro Markos, i janë nënshtruar diktatit të ashpër redaksional, për pasojë janë tjetërsuar. Kanë ndërhyrë në titujt, duke i rekomanduar lexuesit konotacione të tjera ideo-emocionale, ndryshe nga konceptimi autorial; kanë dërguar në brumatricet e letrës libra të porsabotuar; kanë ndërhyrë në brendinë e veprës duke tjetërsuar personazhe protagonistë duke shfytyruar natyrën e marrdhënieve midis tyre

Për shkak të skualifikimit politiko-policor të Petro Markos në periudhën e totalitaritzmit të shpallur, qëndrimi i kritikës zyrtare dhe institucioneve shtetërore të kulturës ndaj krijimtarisë së tij, në rastet më afirmative ka qenë i cunguar, minimalist; rëndom mbi autorin kanë mbizotëruar ato që Prof. A. Plasari, saktësisht i ka quajtur së fundmi burgjet e padeklaruar të P. Markos… P. Marko, pas traditës tepër modeste e modeleve rrëfimtare anakroniko-anemike të romanit shqip deri atëherë, vitalizoi rrëfimin epik, dëshmoi siguri artistike e mjeshtëri të lartë; ka…

FILOZOFIA E BUKURISË - Isuf Luzaj

Fragmente nga libri Filozofia e bukurisë
Bukuria është ajo e vërtetë që u pëlqen të gjithëve, pa pasur ata konceptin e së vërtetës logjike. Nga të gjitha magjitë, kjo është më e sinqertë: Gjykimi i shijes është i pavarur nga koncepti përkufizues i perfeksionit, sepse, kur një objekt deklarohet i pëlqyer, i bukur, me të gjitha endjet e ëndërrimit, kurrë s’është i qartë, i pastër, as i sigurt, pa asnjë përse! Shija fiton shumë kur bashkohet me estetikë, me intelekt aq më mirë, saqë pranohet nga të gjithë pa dhënë shpjegim, pa dhënë arsye, sepse s’ka rregulla, s’ka ligje që të përcaktojnë se çfarë është e bukura. Një këngë? Një pikturë? Një lule? Një flutur? Ç’është bukuria? Dhe përse është ashtu? Për ngjitje shpirtërore në sfera ekstaze, për lutje para altarit, përgjunjjeje namazi, që i flasin misterit gjithë popujt një gjuhë? Bukuria dhe sublimja vijnë në ujdi, janë mrekulli që vënë paqe midis perëndive.
Bukuria që frymëzon poetin ngjan të jetë përfaqësuese absolute e një koncepti të pakuf…